زهر الخايبات

فاق الزمان بكبواتو

ناض و ململ داتو

كالوا اصحاب اوقاتو

شحال يكفي للي تبعاتو

و لا اللي تلم شتاتو

و خنات اولادو و بناتو

الزينة فيهم ما سعفاتو

ما رضات بيه و لا بخناتو

و ما هماتها ضرافتو ولا نعراتو

او طلع ولا انزل فحياتو

زهرها معاه هرساتو

بالكبر قتلاتو و ما عزاتو

اما الخايبة على الناس عوناتو

زهرها معاه بناتو

و اللي خداتو ما رداتو

تلم و تجمع من خيراتو

و تندم على اللي زكلاتو

الوجه الظليم عراتو

و الحرف الزين ما حملاتو

الغادي و الجاي حضاتو

و الملموم على الخير فرقاتو

غرس الحقد بينهم زرعاتو

و جنان الخبت هي مولاتو

قال الزمان للي نفراتو

الزين ما يكفي للي جمعاتو

ما مضمون و لو من الناس خداتو

شحال من وحدة بالفلوس شراتو

و على الناس خباتو

و اخرى في السوق دللاتو

و حتى وحدة ما طفراتو

و شحال من خايبة من خايباتو

حمدت الله و شكراتو

كفاتها رحمة الله و بركاتو

اما خرى

قلبها بالحقد عمراتو

صارت بلا زين بلا منطق

و لا خير فراسها صنعاتو

الزين من زين الكلام و حلاوتو

اما الزهر فهاد الدنيا

غير كلا واش اعطاتو

بقلم : مراد جوروحي