حر العيشة
شحال ما طافت البرى
تبقى صاينة في جواها
و شحال ما طالت الصحبة
تدوم في صح بناها
ساس اللمة تيقة
و خير المنطق غطاها
كيف الحكمة العتيقة
الله يرحم من خلاها
اما يلا حرارت العيشة
تيعود الفراق دواها
و اللي مبني على ريشة
لازم يريب معاها
خبت الكلام خديشة
المهم هو معناها
و زين الكلام نشيشة
تهديك في الحر هواها
هي في السبنية غويشة
تنور في الظلام سماها
و للبيت تفريشة
ترحب بكل من جاها
هي على السقف نقيشة
تفرح كل من راها
و باش يمكن تحلى العيشة ؟
غير بضمه من زين بهاها
بقلم مراد جوروحي
