اليكم قصيدة جديدة بعنوان : هلال الفرح
هل هلال الفرح
و الناس بالعين رمقاتو
كالوا واش هذا صح
ولا غير رفاتو
النخلة نتجات البلح
و لا فالواد طرحاتو
الفقيه فخطابو فلح
او غير مكتر فغواتو
باغي بكلامو ينصح
و الناس ماسمعاتو
هل هلال الفرح
و الناس بيه فرحانة
ليه تنشد و تشطح
و تقول في الله رجانا
باب الخير لينا يفتح
و ينور ظلام سمانا
الخاين وسطنا يتفضح
و يبعد بلاه على بلانا
هل هلال الخير
و الضيم رابو عمدانو
نشر بساط حرير
تزهى الناس فلوانو
تنادي مول التدبير
رب الخلق سبحانو
ليه يحق التكبير
ما يحرم حد من احضانو
الفلك بامرو تسير
و الكل طامع فجنانو
بقلم : مراد جوروحي
Aucun commentaire:
Enregistrer un commentaire