رضى الوالدين
بُعد الاحباب على العين
في القلب عامل غصة
و ريح الشوق تنين
و تزيد على الخاطر نغصة
اما اللي حسبتيه مثين
ماتايزيدك غير فقصة
وخا تهيم الروح سنين
في القبر لازم تترصا
و يبقى فضل الوالدين
و على رضاهم لازم تتوصى
وخا تلهيك عليه السنين
هو ليك كيف المنصة
تشوفو منين و لين
يوصلك في كل فرصة
يغطي القاسي و الحنين
وحتى اللي ناقصاه قرصة
سماحته تخليك تلين
و تتمنى بجوارهم غير جلسة
بقلم : مراد جوروحي
